paolarey
Posts : 395 Join date : 16.06.12
| Subject: ნუკი კოშკელიშვილი Sun Nov 04, 2012 6:58 pm | |
| "იმედის დილის" მშვენიერი წამყვანი ნუკი კოშკელიშვილი ძალიან მხიარული ადამიანი აღმოჩნდა, მასთან ინტერვიუს ჩაწერისას თავის მოვლის შესახებ ბევრი რამ შევიტყვეთ, თუნდაც ის, რომ დადის არა "ფრონცკ", არამედ ისეთ მაღაზიებში, სადაც მუდამ ბევრი ხალხია, მგზავრობს ავტობუსით, სადაც ხანდახან ფულსაც კი არ იხდის... ნუკიმ სპეციალურად ჩვენი ფოტოსესიისთვის თავისი ჩანთა ამოალაგა, სადაც უამრავი სუნამო, თმის მოვლის საშუალება, ფრჩხილების ლაქი და კიდევ ათასი წვრილმანი ეწყო, ამ პროცესის დროს არა მარტო ჩვენ, თავად ტელეწამყვანიც კი გაოცდა და თქვა, არ მეგონა, თუ ამდენი რამ ეტეოდა ჩემს ჩანთაშიო. მოკლედ, ნუკიმ თავი არ დაზოგა, ჩვენი რედაქცია მაქსიმალურად "დაიპყრო" და ფოტოსესიამაც ინტერვიუს მსგავსად მხიარულად ჩაიარა. - იქიდან გამომდინარე, რომ ბევრი დრო არ მაქვს და ზოგადად ვიცი, რა მიხდება და რა არა, სარკის წინ დიდხანს არ ვტრიალებ (იღიმება), თუმცა როცა კარგად გამოვიყურები და კარგ განწყობაზე ვარ, რა თქმა უნდა, სარკესთან ტრიალი მიყვარს. საერთოდ, შინიდან გასასვლელად რომ მოვემზადო, საათ-ნახევარი მჭირდება, რომელშიც ჰიგიენურ პროცედურებთან ერთად შედის სამოსის არჩევა და მაკიაჟი | |
|
paolarey
Posts : 395 Join date : 16.06.12
| Subject: Re: ნუკი კოშკელიშვილი Sun Nov 04, 2012 7:01 pm | |
| | |
|